პროექტის მთავარი იდეაა არსებული გამწვანების შენარჩუნება და ბუნებრივ გარემოში თანამედროვე, მრავალფუნქციური საზოგადოებრივი სივრცის ინტეგრირება.

ლანდშაფტი აერთიანებს საფეხმავლო და სასეირნო ბილიკებს, ინდივიდუალური დასვენების ზონებს, მცირე ამფითეატრს ჯგუფური შეხვედრებისა და ღონისძიებებისთვის, ასევე ნახევრად ღია პავილიონებს მშვიდი დასვენებისა და არაფორმალური ურთიერთობისთვის.

არსებული ხეების, დეკორატიული ნარგავების, ბუნებრივი ფაქტურებისა და თანამედროვე მცირე არქიტექტურული ფორმების შეხამება ქმნის მრავალფეროვან გარემოს, რომელიც ერთდროულად ემსახურება დასვენებას, სოციალურ ინტერაქციასა და რეკრეაციას და ორგანულად ერწყმის მიმდებარე განაშენიანებას.